Ökumaðurinn Sebastian Vettel er með Covid-19 og ekur því ekki í fyrstu keppni tímabilsins í Formúlu 1. Nico Hulkenberg kemur í hans stað í keppninni sem fram fer í Bahrain nú um helgina.
Sebastian Vettel, ökumaður Aston Martin, og fjórfaldur heimsmeistari, reyndist jákvæður í Covid prófi. Frá þessu er greint á vefsíðunni F1.com.
Ekki keppt síðan 2020
Nico Hulkenberg er varaökumaður liðsins en hann hefur ekki keppt í Formúlu 1 síðan árið 2020 í Eifel sem fram fór í Nürburgring í Nürburg í Þýskalandi. Þá kom hann inn í staðinn fyrir Lance Stroll, ökumann Racing Point.
Það var í þriðja skiptið það árið sem Hulkenberg kom inn í annars strað en hann kom í staðinn fyrir Sergio Perez tvær keppnishelgar á brautinni í Silverstone.
Aðrir keppendur virðast nokkuð brattir en Daniel Ricciardo er allur að koma til eftir sín veikindi. Hann reyndist smitaður í síðustu viku en keppir ásamt liðsfélaga sínum Lando Norris fyrir McLaren í Bahrain.
Fleira óviðbúið í Formúlunni:
Óvænt endurkoma Kevins Magnussen
Hvað finnst þér, lesandi góður? Smelltu hér til að skapa umræður við Facebookfærslu þessarar greinar! Og endilega láttu þér „líka“ við okkur á Facebook til að missa ekki af fréttum úr bílaheiminum.
