Hér segir frá stýrimanni nokkrum sem átti engan bílskúr en hann átti tré. Hann bráðvantaði bílskúr en vildi ekki fórna trénu sem tók töluvert pláss á lítilli lóðinni. Stýrimaðurinn fann lausn á þessu.
Frá þessu sagði í Vísi þann 25. júní árið 1977:
„Sumir eiga garða og sumir eiga bílskúra, en því miður er það yfirleitt svo að við bílskúrana minnka garðarnir. Hugvitssamir menn hafa reynt að ráða bót á þessu, meðal annars með því að torfleggja bílskúrsþök og skreyta skúrana á ýmsan hátt til þess að gera þá að meira augnayndi.
Ekki vitum við þó til þess að neinn sé í þessu efni jafn róttækur og Halldór Halldórsson stýrimaður að Sólvallagötu 9.
Halldór átti engan bílskúr, en hann átti hins vegar tré. Það var sýnt að ekki kæmist hvorttveggja fyrir í garðinum, bílskúrinn og tréð. Halldór vildi ekki missa tréð, en vantaði hins vegar bílskúrinn sárlega. Hann greip því til þess ráðs að byggja bílskúrinn utan um tréð. Tréð stendur í öðrum enda bílskúrsins og er ekki fyrir neinum en teygir sig upp í gegnum bílskúrsþakið þar sem það er fyrir allra augum og yndi hið mesta. Halldór fékk sér bílskúr og hélt sínu tré, sem nú blómstrar ágætlega í þakklætisskyni.“
?
Af öðrum trjám:
Fastur uppi í tré í 37 ár
Tréð gjörsamlega kramdi þennan Hyundai
Loeb á hálum ís, Solberg í trjánum og Neuville á tánum
Hvað finnst þér, lesandi góður? Smelltu hér til að skapa umræður við Facebookfærslu þessarar greinar! Og endilega láttu þér „líka“ við okkur á Facebook til að missa ekki af fréttum úr bílaheiminum.
Umræður um þessa grein