Upplýst um sigurvegara í vali á „bíl ársins á Íslandi“ þann 16. október
Senn dregur til tíðinda í vali á „bíl ársins“ á Íslandi. Blaðamenn sem skrifa um bíla í fjölmiðla á Íslandi reynsluaka þeim bílum sem koma inn á markaðinn nýir frá síðasta vali og úr þeim hópi eru síðan valdir bílar sem koma til greina sem „bíll ársins“.
Tilkynnt verður um val á „Bíl ársins“ þann 16. október næstkomandi og sigurvegara í hverjum flokki fyrir sig. Átján bílar í sex flokkum hafa komist í lokaval Bandalags íslenskra bílablaðamanna í vali á bíl ársins 2020. Alls voru 30 bílar í forvali.
Það er Bandalag íslenskra bílablaðamanna, BÍBB, sem eru samtök blaðamanna sem skrifa um bíla, sem stendur að valinu.
Sex flokkar í úrslit
Í flokki minni fjölskyldubíla komust í úrslit: Mazda 3, Toyota Corolla og VW T-Cross.
Í flokki stærri fjölskyldubíla: Mercedes-Benz B, Peugeot 508 og Toyota Camry.
Í flokki jepplinga: Honda CRV, Mazda CX-30 og Toyota RAV4.
Í flokki jeppa Jeep Wrangler, Ssangyong Rexton og Suzuki Jimny.
Í flokki rafbíla: Hyundai Kona, Kia e-Soul og Opel Ampera.
Í flokki rafjeppa: Audi e-Tron, Jaguar I-Pace og Mercedes-Benz EQC.
Tveir flokkar rafbíla
Athygli vekur að í þetta sinn eru tveir flokkar rafbíla, bæði hefðbundnir rafbílar og eins rafjeppar, sem er gott dæmi um þær breytingar sem eru að eiga sér stað í bílainnflutningi.
?
