„Það besta við þetta heimili er hið síbreytilega útsýni,“ segir fyrrum skrifstofublókin Matt Payne sem sagði bless við skrifstofuna fyrir fullt og allt og keypti geggjaðan hertrukk. Hann hefur ferðast um Mongólíu, Gobi eyðimörkina og skoðað heiminn frá heimilinu: DAF T244.
Árið 2016 hætti Matt að vera skrifstofublók og hefur verið ævintýramaður síðan þá. Hann seldi húsið sitt og breytti tæplega 11 tonna Leyland DAF T244 í torfæruhúsbíl og lífið er gott, að sögn Matts.
Með 5.9L Cummins vél, 6 gíra kassa, 145 hestöfl, 335 lítra af vatni og þessi líka fínu sæti úr Audi TT fer bíllinn vel með Matt og virðist komast á afskekktustu staði.
„Ég smíðaði bílinn til að ferðast um heiminn, fara á fáfarna staði og gegnum eyðimerkur. Bíllinn er með nóg eldsneyti og í honum eru nægar vistir til að komast af býsna lengi utan alfaraleiðar,“ segir Matt en hér fyrir neðan er fínasta myndband þar sem hann segir meira frá lífinu á flakki.
Tengdar greinar:
Óhefðbundnir ferða- og húsbílar
Húsbíll með bílskúr og auðvitað bíl
28 fermetra hjólhýsi: Lítið en líka stórt
Þyrluflugmennirnir ferðast með þyrluna í eftirdragi
Hvað finnst þér, lesandi góður? Smelltu hér til að skapa umræður við Facebookfærslu þessarar greinar! Og endilega láttu þér „líka“ við okkur á Facebook til að missa ekki af fréttum úr bílaheiminum.
