Rúmlega tvítugur náungi, sem hefur verið nafngreindur í fjölmiðlum vestra, ók á tvær einkaþotur og eldsneytisbíl á Love Field flugvellinum í Dallas á laugardaginn.
Maðurinn, Jaime Salazar, er 21 árs og hefur gert ægilegan óskunda. Aðfararnótt laugardags ók hann, sótölvaður, á eitt og annað í kringum og á flugvellinum í Dallas.
Byrjaði hann á að dúndra á hliðið að flugvallarsvæðinu, því næst ók hann á eldsneytisbílinn og endaði á þotunum.
Auðvitað er GMC Sierra sem hann ók, alveg í köku eftir bankið.
Farið var með manninn á sjúkrahús vegna áfengiseitrunar. Salazar hefur áður verið handtekinn fyrir að aka undir áhrifum og eitthvað fleira hefur hann á samviskunni og sakaskránni.
?Hvað finnst þér, lesandi góður? Smelltu hér til að skapa umræður við Facebookfærslu þessarar greinar! Og endilega láttu þér „líka“ við okkur á Facebook til að missa ekki af fréttum úr bílaheiminum.
