Nýr BMW XM ofurjeppi sýndur á einkaleyfismyndum
Verður fyrsti sérsniði M bíllinn síðan M1 og kemur sem BMW XM með útliti sem er innblásið af Concept XM sýningarbílnum
Á þessu ári mun M-deild BMW sýna sjálfstæða gerð sem hluta af vegferð sinni í átt að rafvæðingu.
Nýi bíllinn, kallaður BMW XM, verður gríðarmikill tvinnknúinn sportjeppi með 644 hestöfl og þessar nýjustu myndir gefa ágæta mynd af þessu komandi flaggskipi.
XM er innblásinn af Concept XM sýningarbílnum sem frumsýndur var á síðasta ári, með sama framenda, hækkandi afturlínu og minni glugga.
Það eru þó nokkrar athyglisverðar breytingar; minna grill að framan ásamt tvöföldum framljósum.
Erfitt er að greina það út frá þessum teikningum, en upplýstu grindurnar á grillinu frá hugmyndabílnum gætu látið sjá sig. Framstuðarinn er með á V-laga hönnun sýningarbílsins og það er hleðslutengi á frambrettinu fyrir tvinnkerfi.
BMW hefur þegar staðfest að 22 tommu felgur verða staðalbúnaður og 23 tommu felgur fáanlegar gegn aukagjaldi.
Afturendinn er ekki alveg eins skrautlegur og á hugmyndabílnum, en svipuð hönnunarþemu eru í leik með löngum, mjóum afturljósaeiningum, sexhyrndum púströrum og „útskurði“ efst á afturrúðunni.
Framleiðslubíllinn gæti verið með par af BMW merkjum efst í hornum gluggans, sem kallar fram M1 ofurbílinn.
Ofurjeppinn hefur verið hannaður til að fagna 50 ára afmæli sportbíladeildar BMW, auk þess að keppa við bíla eins og Porsche Cayenne Turbo S E-Hybrid og Aston Martin DBX 707.
Eins og Porsche mun nýi sportjeppi BMW vera með tengitvinnorku, sem með 644 hestöfl verður sá öflugasti sem fyrirtækið hefur framleitt til þessa. Nýi bíllinn verður fyrsti BMW frá M1 sem verður eingöngu fáanlegur í M útfærslu.
Í Concept XM mátti sjá „M Lounge“ frá BMW, sportleg framsæti með demantsveðruðu flauelsáklæði.
Það var líka upplýst þakklæðning sem, þegar kveikt er á henni, býður upp á þrívítt form, með umhverfislýsingu sem er möguleg í M litum BMW.
XM verður knúinn af nýrri 4,4 lítra tveggja túrbó V8 vél, sem ber nafnið S68.
Vélin er tengd við 25kWh rafhlöðu sem knýr rafmótor sem er tengdur átta gíra sjálfskiptingu bílsins, sem sendir afl til allra fjögurra hjólanna í gegnum M xDrive drifrás BMW.
Heildarafköst eru 644 hestöfl og 800 Nm tog, en rafmótorinn getur skilað 194 hestöflum á eigin spýtur í allt að 10 sekúndur (afganginn af tímanum er hann með 161 hestafl) og 450Nm tog.
Þessi tala er nokkuð frá 739 hestafla Concept XM og 1.000 Nm togi, en ætti að duga til að keppa við öfluga sportjeppa á markaðnum.
BMW hefur haldið því fram að allt að 80 km verði mögulegir með rafmagnslausu losunardrægi. Til viðmiðunar, er núverandi stóri tengitvinnjeppinn frá BMW, X5 xDrive45e, að bjóða upp á allt að 87 km drægni frá 24kWh rafhlöðu, sem knýr 111 hestafla rafmótor.
7,4kW hleðslutæki um borð er staðalbúnaður, þannig að full hleðsla tekur minna en þrjár og hálfa klukkustund. Vörumerkið hefur ekki staðfest skilvirknigögn ennþá.
XM verður frumsýndur í september á þessu ári, á undan áætluðum kynningardegi í mars 2023. Verð fyrir sportjeppann verður sennilega frá um 19,8 milljónum króna.
(frétt á vef Auto Express)
