Michelin vill búa til bíldekk úr endurunnum plastflöskum
Tæplega þrír milljarðar af plastflöskum á ári gætu verið endurunnar til framleiðslu á dekkjum.
Michelin segir markmið sitt um að „ná 40% sjálfbærum efnum (af endurnýjanlegum eða endurunnum uppruna) fyrir árið 2030 og 100% fyrir árið 2050“ sé skrefi nær raunveruleikanum.
Franski dekkjarisinn hefur prófað farsællega endurvinnslutækni úr plasti frá franska lífefnafyrirtækinu Carbios sem hægt er að nota við dekkjaframleiðslu.
Enzym endurvinnsluferli Carbios fyrir pólýetýlen terephthalate (oftast þekkt sem PET) plastúrgangur reiðir sig á ensím sem getur „afpólýmeriserað“ plast. PET er sú tegund plasts sem notuð er til að búa til flöskur, pólýesterfatnað og jafnvel nokkrar tegundir teppa.
Það er venjulega endurunnið (þar á meðal í flíspeysum), en er einnig ein aðal uppspretta plastúrgangs.
Samkvæmt Michelin hafa venjulegar endurvinnsluaðferðir ekki í för með sér vöru sem hentar til dekkja, en ensímferlið sem leiðir til „seigjuþolins pólýester“ er sérstaklega hentugt fyrir dekk, vegna brotþols, seigju og hitastöðugleika“.
„Þessi hátæknilega styrking hefur sýnt fram á hæfni sína til að veita sömu frammistöðu og efni frá olíuiðnaði“, sagði Nicolas Seeboth, forstöðumaður fjölliða rannsókna hjá Michelin, í yfirlýsingu.
Michelin áætlar að hægt væri að endurvinna næstum 3 milljarða plastflöskur á ári í tæknilegar trefjar til að nota í dekk fyrirtækisins.
