Það hlýtur að teljast eðlilegt að í húsbíl sé bílskúr, ekki satt? Varla skreppur fólk á 10 til 15 tonna hlunki út í búð eftir mjólk. Nei, þá er nú gott að það sé bílskúr í húsbílnum og auðvitað bíll í bílskúrnum.
Sjálf hef ég átakanlega lítinn áhuga á húsum og húsbílum en um leið og minnst er á bílskúr þá kviknar áhuginn á augabragði. Fyrir ári síðan komst ég að því að í snekkjunni „A“ væru nokkrir bílskúrar og þar með öðluðust snekkjur blessun í mínum huga. Svo framarlega sem í þeim er bílskúr.
Volkner hinn þýski
Samkvæmt þýska fyrirtækinu Volkner þá er það grundvallaratriði að ferðast með eftirlætisbílinn innanborðs í húsbílnum. Í fyrsta lagi sé það rosalega sniðugt hvernig húsbíllinn lætur „bílinn hverfa“ inn í skúrinn sem staðsettur er fyrir húsbílnum miðjum.
Í öðru lagi segir á síðunni að sé meiriháttar sniðugt geta án nokkurs tilstands eða fyrirhafnar hleypt þeim litla út úr skúrnum.
Á vefsíðu Volkner er mikið gert úr því hversu fínar tegundir geta rúmast í skúrnum (þeir tala ekki um stærð heldur telja upp tegundir): „911, BMW i8, Mercedes C-Class Cabriolet, Ferrari, Mini Cooper eða hvað sem er,“ segir á síðunni.
Bíllinn í skúrnum hefur engin áhrif á rýmið í húsbílnum og það er auðvitað bráðsnjallt.
Jújú, í skúrnum má líka koma fyrir reiðhjólum, mótorhjólum, sæþotum og hvað þetta nú heitir allt saman. Auk bíls. Svona er þetta nú magnað. Allt um undraskúra Volkner hér.
Action Mobil
Atacama 7900
Morelo Grand Empire
Hér er hægt að koma fyrir allt af 4.6 metra löngum bíl en rétt eins og framleiðandinn hér á undan þarf Morelo að nefna tegundirnar: „Smart, Fiat 500, Mini Cooper, Porsche, Mercedes AMG GT eða jafnvel Ferrari rúmast í bílnum,“ segir þar.
VARIO Perfect 1200 PLATINUM byggður á MB Actros 2553 LLL
Þetta er, ef ég skil þetta rétt, 26 tonna fyrirbæri sem sagt er að sé voða lipurt og ljúft þrátt fyrir þyngdina.
Concorde
Nuddpottur, bílskúr og 10 manna gímald
FUTURIA sports+spa er með alls konar fíneríi en best er að leyfa myndunum að sjá um útskýringarnar.
Fleira um bílskúra og sniðug bílastæði:
Stórkostlegir bílskúrar
Mögnuðustu bílastæði veraldar
Bíll en enginn bílskúr? Nokkrar lausnir
Bílskúrar snekkjunnar „A“ og aðrir snekkjuskúrar
?Hvað finnst þér, lesandi góður? Smelltu hér til að skapa umræður við Facebookfærslu þessarar greinar! Og endilega láttu þér „líka“ við okkur á Facebook til að missa ekki af fréttum úr bílaheiminum.
