G-Niva 2020 – blanda tveggja heima

Aleksandr Isaev, rússneskur áhugamaður um bílahönnun sýnir ökutæki sem er blanda af Mercedes G-Class og Lada Niva.

Það er lítið eftir af línunum í Lada Sport þegar búið er að sameina Löduna og Mercedes G-Class. Myndir Aleksandr Isaev / Auto Motor und Sport.

Stundum er hægt að rekast á skammtileg uppátæki áhugamanna um hönnun og smíði bíla, og vefsíða Auto Motor und Sport í Þýskalandi sýndi okkur eitt slíkt dæmi á dögunum.

Lada Sport / Lada Niva (VAZ 2121) er eins og G-Class frá Mercedes-Benz, eru vel þekkt fyrirbrigði á jeppamarkaðinum. Sá fyrri er sterkur, seigur, grófur og ódýr – og vel þekktur hér á landi. Sá síðarnefndi er í flokki lúxussportjeppa, en einnig öflugur og notadrjúgur. Nú hefur áhugamaður um bifreiðarhönnuðinn Aleksandr Isaev gripið til þess að sameina báða þessa jeppa í blending sem vert er að skoða: G-Niva 2020.

Stærðin á Lada Sport látin ráða

Í stað þess að nota risa ytri mál G-Class ákvað hönnuðurinn að þjappa öllu inn í stærð Lada Sport. Ferningslaga LED framljósin og stjarnan skera sig úr að framan. Ofan framljósanna er hægt að sjá stefnuljósin eins og þau voru á Lada Niva dæmigerð rétthyrnd stefnuljós. Til þess að halda útliti og genum G-Klass, þá eru G-Class stöðuljósin staðsett aðeins innar á vélarhlífinni.

G-Niva 2020 er með Targa þaki sem hægt er að opna með því að taka burtu hluta af „þakgluggunum“.

Árangursrík blanda

Arfur Lada Sport er hér sýnilegur á afturendanum. Stóri afturglugginn og lítil afturljósin eru hér enn til staðar. Það sérstaka við G-Niva 2020 er útlit og smíði á þaki og hliðargluggum. Eins og á alvöru Targa er augljóslega hægt að fjarlægja þakið í tveimur stórum hlutum, svo að aðeins einn miðpartur eftir. Hönnuðurinn hefur alveg sleppt B-bitanum.

Að innan, sérstaklega í aðstöðu ökumanns, eru mikil líkt með fyrsta Lada Sport/Niva frá 1976. Þar er stýrið með breiðri miðstöng sem nær frá vinstri til hægri og tveir stórir kringlóttir mælar, sem eru umkringdir öðrum smærri. En með þeim litla en fíngerða mun sem er að mælaborðið er alveg stafrænt. Og loftinntökin tvö fyrir ofan mælaborðið minna á Lada Niva.