Laugardaginn 11. október kl. 12-16 í sýningarsal Kia að Krókhálsi 13 og hjá umboðsaðilum Kia um land allt.
Reykjavík, október 2025 – Það gleður okkur að tilkynna að frumsýning á nýjum og alrafmögnuðum Kia EV4 fer fram laugardaginn 11. október kl. 12-16 í sýningarsal Kia að Krókhálsi 13 og hjá umboðsaðilum Kia um land allt.
Nýr EV4 bætist því við fjölbreytt úrval rafbíla Kia hér á landi en Kia er með næst flest selda rafbíla það sem af er ári og er EV3 þriðji mest seldi rafbíllinn hér á landi.
Skrefinu á undan
Nýr Kia EV4 sameinar nýjustu tækni, nútímalega hönnun og praktíska eiginleika í einstaklega liprum bíl sem býður upp á dýnamíska akstursupplifun.
Nýstárleg og áberandi hönnun EV4 dregur úr loftmótstöðu og eykur þannig afköst. Loftmótstöðustuðull (Cd) er einungis 0,23 sem er það lægsta á Kia fólksbíl.
Drægni Kia EV4 er allt að 633 km.
Hvorki hefðbundinn né fyrirsjáanlegur
Kia EV4 kemur í tveimur útfærslum:
- 5 dyra gerð (EV4) – Verð frá 6.090.777 kr. með rafbílastyrk
- 4 dyra Fastback gerð (EV4 Fastback) – Verð frá 7.090.777 kr. með rafbílastyrk
5 dyra gerð kemur í Air, Earth og GT-Line útfærslum
4 fyra Fastback gerð kemur í Earth og GT-Line útfærslum
Notendavæn og rafmögnuð upplifun
Báðar útfærslur eru í boði með 81,4 kWh rafhlöðu og bjóða upp á ofurhraða hleðslu frá 10-80% á 31 mínútu.
- 4 dyra EV4 Fastback er með allt að 612 km drægni í þeim útfærslum sem eru í boði í vefsýningarsal Öskju.
- Drægni EV4 Fastback er þó allt að 633 km.
- 5 dyra EV4 er með allt að 625 km drægni.
Rúmgott innanrými og þægindi eru í forgrunni. Hámarksrými fyrir bæði fram- og aftursæti tryggir notendavæna upplifun fyrir alla innanborðs. Innanrýmið er einstaklega fallegt og nútímalegt með 30″ Ultra-wide Panoramic skjá. Með einum hnappi er hægt að virkja slökunarsæti og stemmningslýsingu.
Rúmmál farangursrýmis er 435 lítrar (5 dyra) og 490 lítrar (4 dyra – Fastback).
„Kia EV4 er einstaklega lipur í akstri og langdrægur. Hann er því frábær viðbót við nú þegar fjölbreytt og rafmagnað úrval Kia sem hentar breiðum hópi fólks á Íslandi. Það er líka gaman að segja frá því að úrvalið eykst enn meira á næstu mánuðum þar sem nýir EV5, EV2 og alrafmagnaðir Kia PBV atvinnubílar eru væntanlegir“ sagði Kristmann F. Dagsson, sölustjóri Kia á Íslandi.
Frumsýning Kia EV4 hjá umboðsaðilum Kia um land allt:
- Sýningarsal Kia á Íslandi að Krókhálsi 13 – Reykjavík
- Askja Reykjanesbæ – Reykjanesbæ
- Höldur bílasala – Akureyri
- BVA – Egilsstöðum
- Bílasala Selfoss – Selfoss
