Við erum stolt af Volvo að vera leiðandi í öryggismálum bíla. Það er því mikill heiður að TIME hefur útnefnt ökumannsskilningskerfið í nýja Volvo EX90 jeppanum sem eina af bestu uppfinningum ársins 2024.
TIME birti á dögunum árlegan lista yfir bestu uppfinningar ársins 2024. Á listanum eru 200 uppfinningar sem TIME telur að muni breyta lífi okkar. Sigurvegari í bílaflokki listans er ökumannsskilningskerfi Volvo sem er staðalbúnaður í nýja rafmagnaða flaggskipinu Volvo EX90.
Ökumannsskilningskerfið í Volvo EX90 er byltingakennt. Í kerfinu er nýr öryggiseiginleiki sem notar rauntíma skynjunartækni til að skilja hvort ökumaður er með skerta akstursgetu, þreyttur eða annars hugar, svo bíllinn geti gripið inn í til aðstoðar ef þörf krefur.
Í sumum tilfellum mun EX90 gera ökumanni viðvart með mjúkum titring, fylgt eftir með stöðugum tilkynningum ef þessi upphafstitringur hefur ekki tilætluð áhrif.
Ef það óvænta gerist, til dæmis að ökumaður sofnar, getur EX90 stöðvað bílinn örugglega og vara aðra vegfarendur við með viðvörunarljósum
„EX90 er hannaður til að vera öruggasti Volvo bíll sem við höfum búið til,“ segir Jim Rowan, forstjóri Volvo Cars. „Þó að allir bílarnir okkar séu þróaðir til að uppfylla brautryðjandi öryggisstaðla okkar þá höldum við áfram að ýta undir öryggið með hverjum nýjum Volvo bíl. Fyrir hönd allra hjá Volvo Cars er ég mjög ánægður með að sjá TIME viðurkenna okkur sem leiðtoga í bílaöryggi.“
Ökumannsskilningskerfið í EX90 er ein af nýjustu öryggisuppfinningunum Volvo, þökk sé þekkingu sem Volvo hefur fengið frá raunverulegum rannsóknum í yfir 50 ár.
Það er hannað út frá innsýn Volvo á því hvernig ökumenn hafa samskipti við bíla sína í raunveruleikanum og hjálpar þannig að takast á við eitt helsta bilið í átt að engum árekstrum með því að hjálpa fólki út frá því að skilja hegðun ökumanna og þarfir þeirra.
Öryggi hefur alltaf verið forgangsverkefni Volvo. Eitt mikilvægasta framlag Volvo er nútíma þriggja punkta öryggisbelti. Síðan Volvo kynnti það árið 1959, og gaf síðar ókeypis afnot af hönnun þess, er talið* að öryggisbeltið hafi bjargað milljón mannslífum.
Nú þegar Volvo færist nær í átt þess að koma í veg fyrir alla árekstra, táknar EX90 nýtt öryggistímabil fyrir Volvo bíla. Rafmagnsjeppinn EX90 er hannaður til að vernda fólk og gera hversdagsferðir þess auðveldari og ánægjulegri.
Hann mun einnig verða enn betri með tímanum þar sem hann lærir af rauntímagögnum og fær uppfærslur yfir netið.
* Talan um 1 milljón mannslífa er byggð á almennum og innanhússtölfræði Volvo um slys og beltanotkun.
* Til að setja saman lista þessa árs, óskaði TIME eftir tilnefningum frá ritstjórum TIME og fréttariturum um allan heim og í gegnum umsóknarferli á netinu, með sérstaka athygli á vaxandi sviðum — eins og heilsugæslu, gervigreind og grænni orku. TIME lagði síðan mat á hvern keppanda með tilliti til fjölda lykilþátta, þar á meðal frumleika, virkni, metnað og áhrif. Lestu listann yfir bestu uppfinningar TIME árið 2024 hér. https://time.com/collection/best-inventions-2024/
Volvo EX90 verður frumsýndur í Brimborg síðar í mánuðinum.
(Fréttatilkynning frá Brimborg)
Umræður um þessa grein