* Vél: 6.2L LS3 V8, 480 hp
* Sérsmíðuð tölvustýrð innspýting – (líkist innspýtingarkerfum frá sjötta áratugnum)
* Verksmiðjugrind. C4 Corvettu höggdeyfar að framan og sjálfstæðri fjöðrun að aftan
* Hæðarstillanleg fjöðrun
* 6 gíra sjálfskipting
* Loftkæling
* Aflbremsur að framan og aftan
* Sérsmíðuð innrétting
* Manchester Oak „bucket“ sæti
* Brazilian Cherry tré gólf
* Skipting í gólfi
* Tveggja tóna svört og blá málning
* Tvöfalt sérsmíðað pústkerfi úr ryðfríu stáli
* AM-FM-CD-Stereo
Resto mod þýðir að bíllinn hefur verið uppgerður með nýrri tækni í bland við eldri. Árið 1951 hefðu þeir hjá Chevrolet líklega aldrei ímyndað sér hvað hægt væri að gera við venjulegan Suburban.
Hér er frábært dæmi um það hvernig hægt er að hugsa út fyrir boxið.
Þessi bíll er afar sérstakur, hann situr lágt enda með fjöðrun úr Corvettu. Breiðar felgurnar og hæðarstillanleg fjöðrunin gera bílinn sérlega flottan.
Blár liturinn er nokkuð geggjaður ekki satt?
En snilldin liggur í innréttingunni segir í sölulýsingunni. Þegar þú sest undir stýri í leðursætið muntu átta því að þetta er enginn hagamús sem þú ert að fara að aka.
Fullkomið hljómkerfi er í bílnum sem svíkur ekki.
Vélin er ekki af lakari kantinum í þessu kvikindi, 6,2 lítra LS3, V8 sem gefur 480 öskrandi hestöfl. Já þeir kunna að lýsa þessu kanarnir.
Verðið á þessum er í hærri kantinum en bíllinn er boðinn á 157.900 dollara sem gera um 22,3 milljónir íslenskra króna.
Chevrolet Suburban er bíll í fullri stærð (Sport Utility Vehicles) sem framleiddir eru af General Motors undir merkjum Chevrolet. Suburban kom fyrst fram á sjónarsviðið árið 1935 og hefur síðan orðið einn þekktasti bíllinn innan bílaiðnaðarins.
Þó að Suburban hafi tekið fjölmörgum breytingum í gegnum árin er ´51 módelið mjög merkilegt í sögu bílsins.
Chevrolet Suburban árgerð 1951 var af sjöundu kynslóð Suburban en hún tímabil hennar spannaði frá 1947 til 1954.
Þessi kynslóð markaði verulega endurhönnun fyrir bílinn og var mun straumlínulagaðri bíll með mun nútímalegra útliti miðað við forvera sína. Suburban árgerð 1951 var með sérstakan tveggja dyra stíl með stóru farmrými að aftan, sem gerði bílinn að öflugu ökutæki fyrir bæði farþega- og farmflutninga.
Suburban árgerð 1951 var knúinn af 3,5 lítra línu-sexu sem gaf um 92 hestöfl. Bíllinn kom með þriggja gíra beinskiptingu, þó valfrjáls Hydra-Matic sjálfskipting væri einnig fáanleg.
Þetta þótti mönnum alveg nóg á þessum tíma enda varð bíllnn vinsæll.
Bíllinn er til sölu og hægt að bjóða í hann hér.
