Eintakið á myndunum hér er til sölu hjá Carola Daimler Cars í Stuttgart. Verðið er um 150 þús. evrur (22.400.000 IKR.)
Bíllinn er ekinn aðeins um 12 þús. kílómetra frá upphafi en hann kom á götuna í ágúst 1968.
Citroën DS Chapron blæjubíllinn er án efa meistaraverk í bílasögunni. Þessi blæjubíll er hannaður af hinum goðsagnakennda franska bílashönnuði Henri Chapron, en hönnun hans felur í sér hreinan glæsileika.
Nýr var bíllinn uppfærður á hjá Henri Chapron og seldur til arkitekts í Lucerne í Sviss.
Ekki mikið fyrir að skipta um bíla
Fyrsti eigandinn ók bílnum í um þrjú ár, allt þar til hann lést árið 1971 en þá fór þessi fallegi bíll í hendur vinar upphaflegs eiganda. Hann ákvað að mála „gyðjuna”, sem upphaflega var hvít, í dökk rauðum vegna litabreytingar á hurð.
Eftir um þrjátíu ár og reglulegt viðhald ákvað seinni eigandinn að selja bílinn en hann glímdi orðið við veikindi segir í sölulýsingu.
Árið 2001 keypti þriðji og núverandi eigandi bílinn og hefur haldið honum vel við til þessa dags. Ástand blæjubílsins er óaðfinnanlegt og var metið 2+ í sérfræðiskýrslu.
Þetta er sannkallaður safngripur en aðeins 128 bílar voru framleiddir með gerðarheitinu DS 21 M.
Sögu bílsins hefur einnig verið vel viðhaldið og til er talsvert af myndum auk þjónustubóka. Þetta er einstakt ökutæki, sem ekki er aðeins frábær fjárfesting heldur unun að aka.
Fallegur blæjubíll
Citroën DS21 Henri Chapron blæjubíllinn er einstakur bill, framleiddur á sjöunda áratugnum. Hann var hannaður og smíðaður af hinum virta franska bílasmið Henri Chapron og er lúxusútgáfa af hinum vinsæla Citroën DS.
Bíllinn var byggður á grunni DS21og einkennist af glæsilegri og tímalausri yfirbyggingu.
Hann er með langt húdd, hallandi þaklínu og áberandi framenda með einkennandi tvöföldum aðalljósum DS-gerðarinnar.
Viðbótar hönnun Chapron er í fullkomnum samhljómi við línur DS gerðarinnar og gerir bílinn glæsilegan á alla vegu.
Þótti lúxus
Að innan er blæjubíllinn búinn lúxus þægindum og hönnun er stílhrein. Sætin eru bólstruð með hágæðaleðri og bjóða upp á þægilega setustöðu. Mælaborðið hefur verið tekið í gegn og skreytt glæsilegri viðarklæðningu.
Bíllinn er búinn nútímalegum þægindum eins og loftkælingu og rafmagnsrúðum en það þótti gríðarlega framsækið á þessu tíma.
Undir vélarhlífinni á þessari blæjuútgáfu Henri Chapron er öflug 2.1 lítra fjögurra strokka vél sem gefur um109 hestöfl. Þetta gerir bílnum kleift að skaffa mjúka og nokkuð mikla hröðun, auk þess að ná góðum hámarkshraða.
Aksturseiginleikar bílsins eru að sjálfsögðu nátengdir háþróaðri vatns-loftknúinni fjöðrun Citroën sem veitir þægilegan og stöðugan akstur.
Tæknilega fullkominn árið 1968
Þessi bíll er eitt af fyrstu ökutækjunum sem er búið diskabremsum á öllum fjórum hjólunum, sem tryggir framúrskarandi hemlunarafköst.
Að auki er bíllinn búinn stýri með breytihlutfalli sem gerir aksturinn enn ánægjulegri.
Í dag eru Citroën DS21 Henri Chapron verulega eftirsóttir af áhugamönnum enda fáir til.
Tímalaus hönnun hans og tæknileg fágun gera hann að sannkallaðri klassík sem fær hjörtu bílaaðdáenda um allan heim til að slá hraðar.
