Alfa fagnar 100 ára afmæli Quadrifoglio merkisins með uppfærðu útliti af afkastamiklum gerðum sínum
Það hefur ekki mikið farið fyrir Alfa Romeo bílum hér á alndi á undanförnum árum, en þó hefur Ísband í Mosfellsbænum sýnt okkur þessa bíla öðru hvoru.
Alfa Romeo þykir með betur hönnuðum bílum og með ágæta sportlega eiginleika, og núna hefur fyrirtækið í kjölfar hinna nýlega uppfærðu Giulia og Stelvio, opinberað flaggskip Quadrifoglio gerðanna sem upphaflega eru fáanlegar í þessu sérstaka 100 ára afmælisformi.
Rétt eins og venjulegu gerðirnar eru nýju Quadrifoglio-bílarnir með nokkrar tækniuppfærslur hér og þar, en einnig eru með mikilvægari vélrænum breytingum sem ættu að bæta hina nú þegar frábæra ofurbíla og sportjeppa að mati Auto Express.
Þetta byrjar með örlítilli aukningu á afli frá 2,9 lítra V6 vélinni með tvöföldu forþjöppunni sem hefur farið úr 503 hestöflum í 512 hestöfl ásamt sama 600 Nm togi sem framleitt er á milli 2.500 og 5.000 snúninga á mínútu.
Bæði Giulia og Stelvio keyra átta gíra sjálfskiptingu með átaksbreyti, en eru nú með nýtt eingöngu vélræn mismunadrif á bæði afturdrifnum fólksbílnum og fjórhjóladrifna sportjeppanum.
Nýja mismunadrifið kemur í stað fyrir rafstýrða mismunadrifsins, sem á Giulia módelum sætti nokkurri gagnrýni – sem gæti hugsanlega lagað einn af fáum kraftmiklum göllum bílsins. Staðlaðar felgustærðir eru 19 tommur fyrir Giulia og 21 tommur fyrir Stelvio, og báðar eru með venjulega valfrjálsan títan Akrapovic útblástur.
100 Anniversario gerðirnar verða fáanlegar í þremur litavalkostum, þar á meðal Verde Montreal eins og sést á þessum myndum, parað við minningarmerki smárablaða á frambrettum og nýjan gulláferð á bremsuklöfunum.
Inni í farþegarýminu er staðalgerð svartra og Alcantara innréttinga auðkenndur með gylltum saumum á sætum, hurðarspjöld og mælaborð.
Bílarnir koma einnig með innréttingarpakka úr koltrefjum og fleiri „100 Anniversario“ merki á stýri og gólfmottum.
Auk sérsniðinna þátta sem dregnir eru úr sérútgáfunni, taka bæði Giulia og Stelvio Quadrifoglio nú einnig upp nýja stafræna mælapakkann, sem nú er með fjórða „Race“ skjástillingu sem miðstýrir einum snúningshraðamæli og hraðamæli.
Þetta sameinast núverandi þremur skjástillingum sem fela í sér „Heritage“ valmöguleika sem miðlar fagurfræðinni sem er að finna á hliðrænum mælum sem notaðar eru í klassískum gerðum Alfa frá 60 og 70. Báðir bílarnir taka einnig upp ný þriggja eininga LED framljós sem skerpa ytri hönnunina.
Engin staðbundin verð eða upplýsingar hafa enn verið birtar af Alfa Romeo, en Giulia og Stelvio Quadrifoglio 100th Anniversario bílarnir verða fáanlegir í Bretlandi, og væntanlega á fleiri mörkuðum, síðar á þessu ári.
(frétt á vef Auto Express)
Umræður um þessa grein