Leiðin var löng og ströng sem leiddi til VW Rabbit.

Langlífi Volkswagen Bjöllunar var eitt af því sem gerði hana merkilega en VW ætlaði ekki að framleiða bílinn eins lengi og raunin varð. En á sjötta áratugnum var farið að huga að arftakanum sem var aldrei framleiddur. Volkwagen of America rifjaði nýlega upp suma af þessum tilrauna- eða hugmyndabílum sem enduðu allir í öngstræti og það er heillandi að líta á Fólksvagna sem hefðu getað orðið til.

Tillaga að arftaka Bjöllunnar á miðjum sjötta áratugnum.

Strax um miðjan sjötta áratuginn var VW að hanna arftaka Bjöllunnar sem var þá orðin meira en 10 ára gömul. Hugmyndabíllinn, EA47-12, var teiknaður í algjörum samtímastíl, þó hann væri ekki hlaðinn nærri eins miklu krómi og bílar samtímans hannaðir í Detroit.

Bíllinn var teiknaður af Ítalska hönnunarfyrirtækinu Ghia, sem skýrir hversu líkur hann var Karmann Ghia sports coupe.

VW Mini fyrir tíð Mini.

Volkswagen var að fikra sig áfram með jafnvel minni borgarbíl sem átti að vera minni en Bjallan einnig um miðjan sjötta áratuginn. Hugmyndabíllinn, EA48, var gjörólíkur Bjöllunni, framhjóladrifinn, 0,7 lítra tveggja strokka loftkæld vélin sem staðsett var að framan framleiddi 18 hestöfl. BMC Mini, sem var í svipaðri stærð og með svipaða uppbyggingu fór í framleiðslu fáeinum árum síðar.

Gríðarlegar vinsældir þess bíls undirstrikuðu hversu góð hugmyndin var.

Andvana fæddur arftaki Bjöllunnar 1960.

Volkwagen Bjallan varð að menningartákni og náði mestum árangri í sölu á sjöunda áratugnum. En í upphafi áratugarins var bíllinn sem átti að koma í staðinn fyrir Bjölluna sagður hafa verið sleginn af á elleftu stundu.

Eftir að undirbúningur framleiðslunnar var hafinn og 200 frumgerðir smíðaðar. Samkvæmt VW óttuðust þeir að grunnhugmynd frumgerðarinnar, EA97, sem var með 1,1 lítra vél, væri of lík Type 3 og það er reyndar mikill svipur með Type 3 stallbaknum.

VW Type 3 blæjubíll.

Tveggja dyra og skutbílaútgáfur Volkswagen Type 3 komu á markað 1961. Hætt var við að framleiða Type 3 blæjubílinn af ótta við að hann tæki sölu frá Karmann Ghia blæjubílnum.

Ferdinand Piëch spreytir sig.

Löngu áður en hann varð stórmennsku brjálæðislegur stjórnarformaður Volkswagen Group 1993, var afabarn Ferdinand Porsche, Ferdinand Piëch verkfræðingur sem vann hjá Porsche.

Þar leiddi hann hópinn sem aðstoðaði við þróun EA266. Þessi hlaðbakur var óvenjulegur að uppbyggingu.

Vélin var undir aftursætinu og gírkassinn þar fyrir aftan sem dreif áfram afturhjólin. 1.6 lítra, 4 strokka vélin var vökvakæld.

VW Rabbit hefði getað orðið mjög frábrugðinn og mikið undarlegri bíll ef Piëch hefði verið hærra settur seint á sjöunda áratugnum.

Ekki alveg VW Rabbit.

Volkswagen var að nálgast niðurstöðuna sem varð bíllinn VW Rabbit sem kom að lokum í staðinn fyrir Bjölluna með hugmyndabílnum EA276 árið 1969 en það náðist ekki alveg.

Þessi hlaðbakur var framhjóladrifinn og með vélina að framan en hún var loftkæld 4 strokka en ekki sú vökvakælda sem endaði að lokum undir vélarhlífinni.

Hönnunin var líka ansi ólík einföldu en jafnframt snilldar formi sem Giorgetto Giugiaro teiknaði.

Að fá verktaka í málið gæti hafa verið besta ákvörðun sem VW gerði.

Niðurstöðuna eftir þetta langa ferðalag VW má sjá í sjónvarpsauglýsingunni fyrir neðan.

Sett inn
18/7/2021
í flokknum:
Bílaframleiðsla

Fleiri fréttir úr flokknum:

Bílaframleiðsla

skoð allt

Skráðu þig á póstlistann okkar
Fáðu nýjustu greinarnar í pósthólfið þitt

Thank you! Your submission has been received!
Oops! Something went wrong while submitting the form.