2022 Jeep Compass fyrir Evrópu með flottara innanrými

Það er ekki oft sem nýir eða uppfærðir jeppar frá Jeep eru afhjúpaðir í Evrópu á undan Bandaríkjunum, en fer Evrópa með aðalhlutverkið. Ný útfærsla á Jeep Compass er staðreynd og breytingarnar eru frekar verulegar.

Bandaríska bílavefsíðan Autoblog fræðir okkur á þessu og eru greinilega spenntir.

Mestar breytingar í innanrými en aðeins á útlitinu líka

Fókusinn fór að mestu í innréttinguna í Compass en við munum sjá að framendinn fékk líka nokkra athygli. Það er stærra grillsvæði með möskvahönnun í framstuðara.

Bíllinn fær endurhönnuð aðalljós og þokuljós, auk þess að sjö hólfa grillið er aðeins lagfært. Bandaríska vefsíðan Autoblog bendir á að það vanti togkrókana á þessum Evrópska Trailhawk – en segir jafnframt að þeir munu örugglega koma aftur í Bandaríkjunum.

Ekki heldur gera ráð fyrir að þessar myndir sýni nákvæma hönnun fyrir gerð Compass á Bandaríkjamarkaði. Jeep gæti mjög vel verið að undirbúa Compass með bandarískan smekk í huga.

2022 Jeep Compass Trailhawk 4xe með innanrými fyrir Evrópumarkað- Myndir: Jeep.

Jeep lét Compass ganga í gegn um mikla endurhönnun á innanrýminu og hann lítur mjög breyttur miðað við núverandi bíl.

Ný, nútímatækni er í aðalhlutverki. Evrópskir kaupendur munu velja um 8,4 tommu eða 10,1 tommu snertiskjá og báðir munu keyra nýja Uconnect 5 hugbúnaðinn. Þráðlaus CarPlay og Android Auto eru með og svo er 10,25 tommu stafrænt mælaborð.

Það minnir á nýja mælaborðið sem er að finna í væntanlegum Grand Cherokee L, sem er væntanleg sýnishorn af því hjá Jeep sem koma skal.

Nýja innanhússhönnunin virðist miklu meiri úrvalshönnun en Compass er með í dag. Það er með fínum saumum, gljáandi yfirborði, rofa og hnappa úr málmi.

Þar sem allt leit upprétt og frekar óvandað áður, byggir nýi Compass á breiðum, láréttum línum og er mun glæsilegri en við höfum búist við frá bíl frá Jeep á hagstæðu verði, segja þeir hjá Autoblog.

Þetta minnir meira á Grand Wagoneer og Grand Cherokee L.

Þar fyrir utan leggur Jeep áherslu á ný ökumannshjálparkerfi sem koma í Compass. Það sem vekur mesta athygli er nýr þjóðvegahjálp sem sameinar aðlögunarhraðastýringu með háþróuðu miðjunarkerfi á akreinum til að gera langar ökuferðir á þjóðvegi minna stressandi.

Evrópa fær áfram hinn ljúfa tengitvinnbíl 4xe, sem Ísband kynnti hér á landi fyrr í vetur, en Jeep hefur ekki skuldbundið sig til að bjóða þá aflrás í Bandaríkjunum enn þá.

En látum myndirnar segja sína sögu um breytingarnar á 2022 árgerð Jeep Compass!

(frétt á Autoblog)

VÍDEÓ um Compass

og annað lengra VÍDEÓ um breytingarnar á Compass...

Sett inn
9/4/2021
í flokknum:
Bílaframleiðsla

Fleiri fréttir úr flokknum:

Bílaframleiðsla

skoð allt

Skráðu þig á póstlistann okkar
Fáðu nýjustu greinarnar í pósthólfið þitt

Thank you! Your submission has been received!
Oops! Something went wrong while submitting the form.