ID.Buzz er bíll ársins í Danmörku 2023

Vinningshafinn hefur nýlega verið valinn á stórum viðburði í Haaning Collection bílasafninu í Bagsværd
Dómnefndir danskra bílablaðamanna hafa útnefnt bíl ársins í Danmörku 2023.

Það var tilkomumikið að klára atkvæðatalninguna, þar sem 5 dyra MG 4 Electric var lengi í toppsætinu.

Það var hins vegar VW ID.Buzz sem fór með sigurinn með einu stigi!

Rafdrifin arftaki gamla góða „rúgbrauðsins“ Volkswagen hlaut verðlaunin með 119 stig .
…en MG 4 varð í öðru sæti með 118 stig.

Á eftir þeim komu Renault Megane E-Tech og Nissan Ariya.

Sex rafbílar og einn bensínbíll

Þetta er fjórða árið í röð sem rafbíll hlýtur titilinn. Þegar á heildina er litið voru bílarnir í valinu nánast bara rafbílar því sex af sjö bílum í úrslitaleiknum voru hreinir rafbílar.

Aðeins lítill Toyota Aygo X, sem varð í 7. sæti, er fáanlegur með bensínloki.

Bíll ársins í Danmörku er valinn af dómnefnd 20 bílablaðamanna og hafa verðlaunin verið veitt á hverju ári síðan 1969.

MG 4 Electric kemur á óvart með skilvirkri driflínu, alhliða búnaði og þægilegum aksturseiginleikum fyrir minna en 300.000 danskar krónur.

Þannig skiptust stigin í valinu á Bíll ársins í Danmörku 2023:

1. Volkswagen ID. Buzz 119 stig

2. MG 4 118 stig

3. Renault Megane E-Tech 89 stig

4. Nissan Ariya 86 stig

5. BMW i4 66 stig

6. Toyota bZ4X 65 stig

7. Toyota Aygo X 57 stig

Formaður Danske Motorjournalister, Karsten M. Lemche (til hægri), afhenti Thomas Hjortshøj blaðafulltrúa Volkswagen í Danmörku viðurkenninguna fyrir bíl ársins. © Lars Krogsgaard.

Kosið var um bílana sjö eftir tveggja daga prófun á nýjum gerðum bíla á markaði á og við FDM Jyllandsringen í október. Það voru 20 dómnefndarmenn, 50 reynsluakstursbílar og 40 fjölmiðlamenn sem tóku þátt.

(frétt á vef BilMagasinet)

Sett inn
2/12/2022
í flokknum:
Bílaheimurinn

Fleiri fréttir úr flokknum:

Bílaheimurinn

skoða allt
Hvað er rétt og ekki rétt?
Hvernig bíll værir þú?

Skráðu þig á póstlistann okkar
Fáðu nýjustu greinarnar í pósthólfið þitt

Thank you! Your submission has been received!
Oops! Something went wrong while submitting the form.