GM gæti komið á evrópskan markað aðeins með rafbíla

Fjárfesting í rafbílum gæti þýtt endurkomu til Evrópu fyrir vörumerki GM eins og Cadillac og Chevrolet

General Motors, eitt stærsta bílafyrirtæki heims, gæti snúið aftur í Evrópu með áherslu á rafbíla.

GM yfirgaf Evrópumarkað árið 2017 þegar það seldi Opel og Vauxhall vörumerki sín til PSA fyrir 1,15 milljarða punda. Það var eftir um 90 ára viðveru í Evrópu en upphaf fullrar rafvæðingar gæti gefið bandaríska fyrirtækinu nýtt tækifæri í Evrópu, að sögn forstjóra General Motors, Mary Barra.

Barra sagði á Milken Global ráðstefnunni í Los Angeles: „Fyrir um fimm árum seldum við Opel vörumerkið til þess sem nú er Stellantis og við sjáum ekki eftir því en erum að skoða þau vaxtartækifæri sem við höfum, því við getum farið aftur inn í Evrópu sem alhliða framleiðandi rafbíla. Ég hlakka til þess."

Barra gaf engar vísbendingar um hvaða GM vörumerki gætu hugsanlega verið boðin í Evrópu í framtíðinni, en minntist á vinsældir nýja alrafmagnaða GMC Hummer, en fyrirtækið tók við 70.000 forpöntunum.
Rafbílar Hummer í framleiðslu.
Mary Barra aðalstjórnandi General Motors .

Það er möguleiki fyrir Cadillac líka, þar sem fyrirtækið starfar nú þegar í Evrópu á tiltölulega litlum grunni og selur aðeins XT4, lítinn crossover. Lyriq sportjeppinn er sem stendur eini rafbíllinn í alþjóðlegu módelasafni Cadillac og væri líklegastur til að leggja leið sína yfir til Evrópu.

Hins vegar sagði Barra einnig „þessar sérstöku aðstæður sem eru í Evrópu núna sem við stöndum ekki frammi fyrir,“ og vísaði til þar til hins háa bensínverðs, varahlutaskorts og Úkraínu-Rússlandsstríðsins, sem gæti verið stórar hindranir.
Fyrsti Cadillac Lyric bíllinn kemur af framleiðslulínunni í Spring Hill í Tennessee í Bandaríkjunum.

Héldu áfram að selja Corvettu og Cadillac

Hins vegar fór GM aldrei alveg frá Evrópu, jafnvel eftir að hafa selt Opel og Vauxhall. Bílaframleiðandinn hélt áfram að selja Corvette og valdar Cadillac gerðir og talsmaður GM, David Barnas, sagði við Detroit Free Press að fyrirtækið líti á Evrópu sem tækifæri fyrir rafbíla og aðra starfsemi sína í bílgreininni áfram.

Barnas neitaði að segja hver af nýjum rafbílum GM yrði seldur í Evrópu né hvenær. Lyriq rafjeppinn frá Cadillac lítur út fyrir að vera sterkur möguleiki, sem og rafknúnar útgáfur af Corvette sem GM tilkynnti um seint í síðasta mánuði.

Í nóvember 2021 kynnti GM fyrst áform um að stofna fyrirtæki á sviði hreyfanleika í Evrópu. Einingin mun ná yfir rafbíla og sjálfakandi bíla General Motors, auk hugbúnaðar, sjálfstýrðrar tækni og vöruflutninga og flutningaþjónustu.

GM hefur fjárfest mikið í rafbílum á undanförnum árum með fyrstu samsetningarverksmiðju fyrirtækisins í Detroit, Michigan, sem opnaði árið 2021; GM tilkynnti einnig að það myndi verja $750 milljónum í hleðslumannvirki í Bandaríkjunum og Kanada.

(fréttir á Auto Express og InsideEVs)

Sett inn
18/5/2022
í flokknum:
Bílaframleiðsla

Fleiri fréttir úr flokknum:

Bílaframleiðsla

skoða allt

Skráðu þig á póstlistann okkar
Fáðu nýjustu greinarnar í pósthólfið þitt

Thank you! Your submission has been received!
Oops! Something went wrong while submitting the form.