Fyrstu hemlarnir

Þessi háalvarlega grein fjallar um elstu hemlakerfin í bílum og fleiri faratækjum og er byggð á mjög áreiðanlegum heimildum.

En fyrstu hemlarnir og bílarnir voru að sjálfsögðu fundnir upp á steinöld eins og sjá má í heimildaþáttaröðinni um Fred Flintstone.

Hemlaviðgerðir voru kallaðar fótaaðgerðir í þá gömlu góðu daga.

En þróunin í hemlakerfum var hæg og næsta skref var ekki stigið fyrr en mörg þúsund árum seinna.

Þá komu fram einfaldir hemlar sem eru kallaðir á ensku, spoonbrakes eða wooden block brakes. En þeir virkuðu þannig að togað var í stöng sem var tengd við teina sem ýttu viðarklossa að hjóli.

Einfaldasta útgáfan stöðvaði (ef allt fór á besta veg) eitt hjól en sú flóknasta stöðvaði öll hjólin.

En þessi gerð hemla var notuð lengi vel í flestum hestakerrum, hestvögnum, járnbrautalestum og fyrstu bílunum. En hjólin voru yfirleitt svokölluð teina- eða pílárahjól smíðuð úr tré og klædd með járngjörð.

Þessi gerð hemla hvarf af sjónarsviðinu um leið og hjólbarðinn leit dagsins ljós enda slitnaði gúmmíið ævintýralega hratt þegar það var að nuddast við tré.

Einfalt og ekki eins einfalt hemla“kerfi“.
Flott útfærsla af þessari gerð hemla og það virðist vera hægt að stilla þá.
Þessi er langt á eftir sinni fortíð nema þetta sé nýstárleg aðferð til að kveikja eld með núningi.
Sett inn
20/7/2021
í flokknum:
Tækni

Fleiri fréttir úr flokknum:

Tækni

skoð allt

Skráðu þig á póstlistann okkar
Fáðu nýjustu greinarnar í pósthólfið þitt

Thank you! Your submission has been received!
Oops! Something went wrong while submitting the form.