Bílarnir sem Bandaríkjamenn ætla að kveðja á nýju ári

-það er kominn tími til að kveðja þessa bíla segja þeir hjá Autoblog

Gerðir koma og fara eins og snúningshurð á hverju ári í bílaiðnaðinum. Hugmyndir ná ekki fótfestu, hugnast ekki og bílafyrirtækin hafa ekki tíma eða klára peningana. Það eru margar ástæður fyrir því að tilteknar gerðir séu komnar á eftirlaun og þessi listi sem þeir hjá Autoblog settu saman inniheldur mikið af þeim.

Nýrri bílar og jafnvel miklu eldri gerðir eru á leiðinni út á næsta ári. Sumar þeirra gera okkur dapra en aðrar láta okkur yppta öxlum. Og jafnvel þó að „crossover“-bílar séu svo heit verslunarvara sem raun ber vitni, þá er nóg af þeim sem hætt á árinu 2019. Fólksbílar, og raunar hefðbundnir bílar lentu verst í því, en jafnvel illa hugsaðir „crossover“ bílar geta ekki náð árangri á mjög hörðum samkeppnismarkaði sem við höfum í dag. En listinn þeirra fylgir hér á eftir

Audi

Audi: TT, A3 Cabriolet

Við byrjum á einum sem eftirsjá er að. Hvarf Audi TT gerir okkur jafn dapra og hver annar bíll á þessum lista. Sérhver útgáfa af TT var skemmtileg, en túrbó fimm strokka TT RS varsá besti í hópnum.

Bíllinn sem var mörg ár í framleiðslu og sá umbreytingu í nútíma heimi, en TT var trúr tveggja dyra sportlegu útliti sínu með sínu Coupé útliti. Framboð Audi verður ekki það sama án nærveru hans, en við vonum að rafmagns valkostur fylli fljótlega í gatið.

Hinn athyglisverði bíllinn frá Audi sem þú munt ekki geta keypt á næsta ári er A3 Cabriolet, eða bæjugerðin. Þennan litla bíl verður enn hægt að kaupa sem hefðbundinn fólksbíl, en lítil eftirspurn eftir blæjubílum er líklegur sökudólgurinn hér hér. Almennt hefur dregið úr sölu á A3 á undanförnum árum, en við vitum ekki hvernig skiptingin er milli fólksbíla og blæjubíla. Maður getur aðeins giskað á að Cabriolet hafi orðið fyrir samdrætti, sérstaklega í kaldari ríkjum.

BMW

BMW: 3 Sería Gran Turismo, 6 Series Gran Turismo

BMW bauð upp á síðustu 6 seríuna í Ameríku á þessu ári og undarlega lagaður 3 sería Gran Turismo kom í kjölfarið.

Þessir Gran Turismo bílar vissu aldrei raunverulega hvað þeir voru og neytendur voru líklega ruglaðir af þeim líka.

Að bæta hlaðbak við venjulegan fólksbifreið er frábært fyrir gagnsemi, en þeir litu aldrei alveg rétt út. Kaupendur eru miklu meira í „crossovers“ í Ameríku og þessir háu „sportback“ pössuðu ekki alveg við þarfir markaðarins. Buick

Buick

Buick: Cascada, LaCrosse

Buick vörumerkið er opinberlega alveg að hverfa frá fólksbílum. Buick Regal er ekki á þessum lista vegna þess að hann heldur áfram í 2020 árgerðinni, en Buick hefur lofað væntanlegum dauða hans líka.

Tveir bílar sem sjá ekki dagsbirtu árið 2020 eru þó Cascada og LaCrosse. Þessir tveir seljast í litlu magni og geta ekki keppt við eftirspurn eftir Buick „crossover“-bíla.

Cascada lítur út eins og snyrtilegur og huggulegur bíll á yfirborðinu, en hann endaði með því að verða bara til vonbrigða og ekki góður í akstri. Við munum hella hálfu tári yfir lúxusbílnum LaCrosse, en það eru fullt af öðrum fallegum fólksbílum til að velja úr þarna sem við myndum taka fyrir Buick.

Cadillac

Cadillac: CTS, ATS, XTS ... CT6

Tilkynnt var um „andlát“ þessara bíla fyrir nokkru en þeir yfirgefa Cadillac framboðið fyrir alvöru eftir að 2019 lýkur. CTS og ATS er skipt út fyrir CT5 og CT4 hvor um sig, svo það verður ekki mikið úrval að ræða varðandi fólksbíla  frá Cadillac. Við munum bíða þolinmóð eftir V-gerðunum sem eiga að vera aflmeiri og sportlegri.

Cadillac hefur ekkert í pípunum sem kemur beint í stað XTS. Og svo er það CT6. Framleiðslu á CT6 er formlega áætlað að ljúki í janúar 2020, svo það verða einhverjar 2020 gerðir til sölu.

CT6 hefur farið í gegnum margvísleg örlög en það lítur út fyrir að hlutirnir verði loksins á þann veg að verksmiðjan loki. Það er algjör skömm að sjá svona frábæran bíl með snilldar tækni vera leiddur út um dyrnar, en það er raunveruleiki Cadillac í dag.

Chevrolet

Chevrolet: Cruze, Volt, Impala, Malibu Hybrid

Það eru fullt af fleiri vörum frá General Motors sem lenda í sviðsljósinu og ljúka sínum ferli árið 2019. Það eru nokkrir Chevrar sem munu ekki sjá árgerð 2020 og við sjáum mest á eftir Volt. Við notað mikið af bleki til að fjalla um skyndilega og sorglega stöðvun Volt, en það verður ekki auðveldara með tímanum.

Þessum bíl var ætlað að ryðja brautina fyrir rafvæðingarviðleitni GM. Við andlát hans höfum við Bolt og loforð um að fleiri komi á eftir.

Við höfum vitað um Cruze og Impala, en það er athyglisvert að 2019 er formlega lok línunnar fyrir þessa tvo. Chevy snyrtir einnig upp Malibu línuna sína fyrir árið 2020 og hættir með Hybrid-gerðina.

Fiat

Fiat 500

Fiat 500 hlaðbakur, blæjubíllinn og 500e rafmagnsbíllinn eru allir að fara frá Ameríku eftir að árið 2019 rennur sína leið. Þetta eru litlir borgarbílar í stórum „jeppaheimi“ og stærri útgáfur 500 (500X og 500L) eru einu þeir tveir sem halda áfram árið 2020. Persónulega uppáhaldið okkar - Abarth - er líka að keyra í sólarlagið. Við munum sakna kröftugrar og yndislegrar meðhöndlunar þegar hann er horfinn.

Það eina sem við höfum eftir að segja er Arrivederci!

Ford

Ford: Flex, Fiesta, Taurus

Slátrun á bílum frá Ford var áfram árið 2019. Þetta ár er formlega það síðasta fyrir Ford Flex, gamalt en samt elskulegt farartæki.

Fiesta og Taurus ætla loksins að sjá framleiðslunni einnig lokið, þó að dauði þeirra hafi verið tilkynntur fyrir nokkru síðan.

Nýir bílar frá Ford eru á leiðinni til að fylla í framboðið með „crossover“ og jeppum, en við munum sakna hins snaggaralega Fiesta og frábæru notagildis í Ford Flex.

Hyundai

Hyundai Santa Fe XL

Hyundai hélt mestu af sínu framboði ósnortnum á þessu ári, en hinn nýji Santa Fe (mynd hér að ofan) og Palisade tóku höndum saman um að ýta Santa Fe XL út um dyrnar. Ef þig vantar þrjár sætaraðir í Hyundai í dag er svarið opinberlega Palisade.

Nýi Santa Fe er annar frábær kostur ef þú þarft eitthvað stærra en Tucson en Palisade er of mikið.

Við erum örugglega enn að skoða málið þegar kemur að framboði Hyundai á „crossover“, en dauði Santa Fe XL var nauðsynlegur til að koma nýjum vörum fyrirtækisins til leiðar.

Infiniti

Infiniti QX30, Q70

Infiniti lauk framleiðslu á QX30 á þessu ári, sem þýðir að litli „crossover“ hefur enga möguleika á að sjá dagsins ljós árið 2020.

Bíllinn var einfaldlega endurmerktur Mercedes-Benz GLA, þannig að við höfum engar sérstakar tilfinningar til að sjá hann hverfa. Annnar bíll Infiniti sem yfirgaf okkur á þessu ári er Q70.

Þetta er stærsti fólksbifreiðin í framboðinu, svo Infiniti er ekki með flaggskips fólksbifreið lengur. Við munum aðeins líta á QX80 sem leiðandi vörumerki á þessum tímapunkti. Búast við að sjá nýja lúxus fólksbifreið mæta með rafmagn að lokum, þó.

Jagúar

Jaguar XJ

Hérna er annar fólksbíllinn sem okkur þykir leitt að fara. En það er ekki alveg búið að jarða hann enn þá. Jaguar sagði okkur að XJ nafnið myndi halda áfram og bílaframleiðandinn sagði að því yrði „skipt út fyrir svipaða stærð“ bíls. Það lítur líka út fyrir að nýi XJ verði rafmagns flaggskip sem fólksbíll.

Við vitum ekki hvernig við eigum að taka því, sérstaklega eftir að hafa upplifað hversu skemmtilegur Jaguar I-Pace er í akstri.

Því miður höfum við enga hugmynd um hvenær slíkt ökutæki sem kæmi í staðin muni birtast á vegunum. Jaguar hefur þegar sannað sig að vera fær um að framleiða rafmagnsbíl (jafnvel fyrr en aðrir), svo það er líklega bara tímaspursmál.

Mercedes-Benz

Mercedes-AMG SL 63

Framboð Mercedes SL missir sinn AMG SL 63 eftir 2019, sem þýðir að SL 450 og SL 550 verða einu tveir í boði árið 2020. Mercedes hefur aldrei selt þennan SL í miklu magni, en það er sorglegt að sjá þennan ofurhraða AMG-bíl hverfa á braut.

Eins og staðan er í dag er Mercedes með S 63 Cabriolet og AMG GT Roadster í boði fyrir alla sem vilja hraðskreið ökutæki.

Ef einn af þessum bílum fyllir ekki tómið fyrir þig ... keyrðu þá aftur. Þeir eru sannarlega frábærir á sinn hátt.

Lincoln

Lincoln: MKC

Nýja Lincoln Corsair hefur verið skipt út fyrir Lincoln MKC. Hætt er að nota skammstafanir og raunverulegu nöfnin sem eru skapandi eru komin aftur í Lincoln.

Lincoln smíðaði MKC á Escape grunninum og það heldur áfram árið 2020 þegar nýi Corsair er smíðaður á endurhönnuðum Escape grunni.

Það er ekki mikið til að vera dapur yfir þessu þar sem Corsair er mun betri bíll og nafn en MKC var nokkru sinni. Auk þess bætir Corsair við kostum í rafvæðingu þar sem MKC hafði ekkert að bjóða.

Nissan

Nissan: 370Z Roadster, Rogue Hybrid, Versa Note

Nissan útrýmdi nokkrum óþarfa gerðum sem ekki verða framleiddar árið 2020. 370Z coupe heldur áfram óbreyttu, en Roadster er horfinn. Við myndum samt kaupa hardtopútgáfuna, svo að útrýma Roadster er fínt.

Svo er það Rogue Hybrid. Þessi virtist vera snjöll breyting þegar honum var hleypt af stokkunum fyrir nokkrum árum, en ódýrt bensín og tiltölulega lítill hagkvæmni hefur skilið hann eftir.

Rogue framboðið var ekki of sannfærandi áður og þessi breyting hjálpar ekki. Að síðustu, það er Versa Note. Nissan setti af stað nýjan Versa fólksbíl á þessu ári og þeim fannst ekki ástæða til að taka hlaðbaksútgáfu með í nýju kynslóðinni. Við vorum mildilega hissa á því hversu góður Versa fólksbíllinn er í akstri miðað við fyrri bíl, svo við fyrirgefum Versa Note fyrir að fara á braut.

Smart

Smart Fortwo

Já, Smart-bíllinn. Kannski var hann of „smart“ eða klár fyrir eigin hag. Eða kannski passaði hanna vara ekki í Ameríku frá upphafi. Það var örugglega það síðara. Smart EQ Fortwo var sá síðasti sem eftir var í Ameríku og ólíkt Evrópu passar hann ekki við lífsstíl hjáneinum í þessu landi.

Síðasta umsögn okkar bar yfirskriftina: Sorglegasta leiðin til að eyða 25.000 dollurum. Það er enn þá satt árið 2019.

Og ef þú varst að velta fyrir þér, já, þá tókst okkur að finna nýja Smart Fortwo í rafknúinni frá 2019 til sölu á internetinu. Ekki gera það.

Toyota

Toyota Prius C

Prius C var ódýrasti Prius-bíllinn sem hægt var að kaupa. Það er líka sá hægasti og verstur í akstri. Ef þú ert tíður notandi leigubílaþjónustunnar Uber og Lyft eru þessir bílar líklegast brautin á tilveru þinni. Þeir eru pínulitir og óþægilegir, en þeir eru ódýrir og komast langt á lítrunum.

Prius C fer í burtu færir einnig Prius framboðið aftur þangað sem það byrjaði eftir að Toyota stækkaði hlutina hratt með Prius V og Prius C afbrigðunum.

Við erum með tengitvinnbílinn Prius Prime í dag, en það er afturhvarf til bara einnar gerðar í þessum hybrid-bíl.

Volkswagen

VW: Beetle, Golf SportWagen, Golf Alltrack

Volkswagen braut hjörtu okkar 2019 og útrýmdi Beetle eða „bjöllunni“ úr vörulínu vörumerkisins. Ekki nóg með það, heldur tóku þeir líka tvær stationgerðir í burtu. Golf SportWagen og Golf Alltrack eru bæði farartæki sem við viljum mæla með öllum sem opna fyrir hugmyndina um stationbíl eða langbak, en nú fara þeir sína leið á árinu 2020.

Við getum þakkað fyrir innkomu Mk8 Golf á svæðið, en jafnvel venjulegur Golf hlaðbakur er vafasamur fyrir bandaríska neyslu - við vitum að GTI og Golf R munu koma að lokum, þó.

Við skrifuðum óð til Bjöllunnar þegar fréttin var tilkynnt. Og við fórum líka niður til Mexíkó til að keyra þann síðasta. Bjallan kann að hafa verið gallað ökutæki að sumu leyti, en það er engin leið að bæta upp sögu og persónuleika sem fylgir nafni og útliti á táknrænasta bíl Volkswagen.

Svo mörg voru þau orð…!

Hér lýkur þessum pistli þeirra hjá Autoblog í Bandaríkjunum. Þessu texta var snarað til gamans fyrir lesendur Bílabloggs. Sum af þessum bílum þekkjum við ekki, og aðra minna. En það er oft gaman að horfa á hlutina af sjónarhóli annarra en okkar sjálfra!

Sett inn
20/12/2019
í flokknum:
Bílaheimurinn

Fleiri fréttir úr flokknum:

Bílaheimurinn

skoða allt

Skráðu þig á póstlistann okkar
Fáðu nýjustu greinarnar í pósthólfið þitt

Thank you! Your submission has been received!
Oops! Something went wrong while submitting the form.