2021 Ford F-150 Hybrid nær 9,8 lítrum á hundraðið

  • Minni eyðsla en hjá Ram 1500 og Chevy Silverado samkvæmt mælistuðli EPA

Vestur í Bandaríkjunum er pallbílar „bílar fólksins“ í mun meiri mæli en hér á landi og í öðrum Evrópulöndum. Það kemur því ekki á óvart að bílaframleiðendur í Bandaríkjunum keppast við að ná eyðslu þessara stóru pallbíla niður og nýjasta viðbótin í því efni er að búa þessa bíla tvinnbúnaði sem nýtir rafmagn við hlið hefðbundinnar vélar til að minnka eyðsluna.

Ford F-150 Hybrid árið 2021 fær 9,8 lítrum á hundraðið samanlagt, samkvæmt gögnum sem EPA (Umhverfisstofnun Bandaríkjanna) birti í vikunni. Mest seldi pallbíllinn fær einnig 9,8 lítrum á hundraðið innanbæjar og eins á þjóðveginum.

Þessi tala nær ekki 9,4 lítrum samanlagt hjá afturhjóladrifnum 2020 árgerð F-150 dísil, en tvinndrifrásin er í staðalútgáfu með fjórhjóladrifi. 2020 dísilbíllinn með fjórhjóladrifi er metinn á 11,7/9,4/10,7 lítra á hundrað kílómetra, en Ford og EPA hafa ekki gefið út eldsneytistölur fyrir dísilútgáfuna hjá endurhönnuðum Ford F-150 2021.

Annað sem hefur áhrif á samanburð á skilvirkni er sú að Hybrid kemur aðeins í bílum með SuperCrew-stýrishúsi sem vegur meira en stækkaða stýrishúsið sem er í boði fyrir kaupendurdísilbíla.

10 gíra sjálfskipting

10 gíra sjálfskiptingin sem er staðalbúnaður á öllum 2021 F-150 ætti að halda pallbílnum oftar í skilvirkari gírum miðað við 6 gíra skiptinguna sem var staðalbúnaður í fyrra. Með loftbætingum eins og virkri loftstíflu og endurhönnun á fram- og afturendum til að fá betri stuðul varðandi loftmótsstöðu, auk uppfærðra virkrar lokunar á grilli, er mögulegt að tölur um sparneytni dísilbíla muni batna á svipaðan hátt og fjórhjóladrifsútgáfur með öðrum vélum. 2,7 lítra túrbó-6-srokka vélin með afturhjóladrifi hélt sömu 11,8/9,0/10,7 lítrum á hundraðið og í fyrra en fjórhjóladrifsútgáfan bætti sig frá 13,6/10,2/11,8 lítrum árið 2020 í 12,4/9,8/11,2 lítra á þessu ári.

Túrbó V6 með tvinndrifrás

2021 F-150 tvinn aflrásin, sem fáanleg er á öllum sex stigum búnaðar, notar 3,5 lítra túrbó V-6, auk 47 hestafla rafmótors sem knúinn er 1,5 kwh litíumjónarafhlöðu. Þessi rafhlöðupakki sem er í fartölvustærð er undir gólfinu aftast í stýrishúsinu og hefur ekki áhrif á innanrýmið. Hann minnkar heldur ekki 116 lítra eldsneytistankinn sem er festur á sama svæði. Einkunn 9,8/9,8/9,8 á 100 km þýðir að pallbíllinn getur ekið meira en 1120 kílómetra á tankinum.

Góður samanburður við aðrar tegundir

Samsett einkunn 9,8 lítrar á hundraðið með fjórhjóladrifi stendur sig vel í samanburði við hagkvæmustu bensínvélarnar í fjórhjóladrifnum útgáfum af Chevy Silverado, GMC Sierra og Ram 1500:

  • -2021 Ram 1500 með 3,6 lítra V-6 og mildu tvinnkerfi fær 12,4/9,8/11,2 lítra á 100 km;
  • -2021 Chevy Silverado með 2,7 lítra turbo-4 fær 12,4/10,7/11,8 lítra á 100 km;
  • -2021 GMC Sierra með sömu 2,7 vél fær 13/11,2/12,4 lítra á 100 km.

Dísilútgáfur af öllum þessum pallbílum fá betri einkunnir á þjóðvegum en samanlögð einkunn F-150 Hybrid og með aldrifi samsvarar eða er betri en dýrari dísilvalkostir. Ford F-150 tvinnblendingurinn 2021 fer í sölu síðar í þessum mánuði.

(Byggt á frétt á vef The Car connection)

Sett inn
13/11/2020
í flokknum:
Bílaframleiðsla

Fleiri fréttir úr flokknum:

Bílaframleiðsla

skoð allt

Skráðu þig á póstlistann okkar
Fáðu nýjustu greinarnar í pósthólfið þitt

Thank you! Your submission has been received!
Oops! Something went wrong while submitting the form.